Nun Me Arrendo Testo

Uocchie chine e mani vacanti
speruti 'e carna cotta comme 'a sempe
guardammo 'aret' 'e llastre 'int''e feneste 'e 'llate
'mmerius' 'e chello ca vedimmo, ce 'ncazzamme
e pò truvammo n'ata scusa pe passà 'a journata, frà,
nun 'o ssaje ca si te vutte 'nterra nisciuno te sosa
t'allamiente sempe e forse nu poco te piace
se vede c'a nun t'abbastano ancora tutte 'e tarantelle
'e muorte accise, 'a coca c'a pala
'e ccriature ca pazzeano cu 'e pistole e fanno 'e criminali
e mentre chi venne sparte cu 'a gente per bene
Napule rimane cu 'e catene
e 'a pelle ce l'appizza sulo 'o pover'ommo si
o chi nun tene niente 'e spalle
je nun tengo niente 'e spalle

e sarrà ciorta o sarrà destino
tu si a Napule ce nasci 'e Napule rimani
si italiano, si cristiano, tu si ebreo, buddhista oppure musulmano
ma primma 'e tutte cose si napulitano
nun 'mporta quanto tu può sta luntano
quanno 'a gente soffre allora suoffre pure tu
'a capodichino fino a piazza r'o gesù

arrevuotate, arrepijate, chesta è 'a vita toja, nun t'arrendere
dico scetate, scinne 'mmiezo a via,
e nun te metterre appaura
chesta è tutta rrobba toja
sta canzone è dedicata
a 'na femmena arraggiata
ca m'ha dato tutt' cose
e pò 'a pietto m'ha levato pure 'o ggenio 'e respirà
però nun m'arrenno ancora
pecchè songo 'nnammurato
pecchè 'o saccio ca cu' n'ata
nun putesse maje fa ammore
comme 'o saccio fa 'ccu te

unica sij e unica sarraje
pecchè ammore pè te cagna ma nun fernesce maje

oggi n'è rimasto n'ato 'nterra
e mentre 'o sanghe scorre mmiez' 'e prete d'a città e Pullecenella
jesceno 'e giurnale, cose già sentute
'a paura cresce, nuje simme perdute
ma sotto a chiust cielo niente cagna maje
'cca passano 'e millennie e stammo sempe mmiez' 'e guaie
nun ve preoccupate
venarrà 'o mumento ca nuje addivintamme comme song' ll'ate

fosse troppo bello a s'a astipà nu' poco 'e core
primma 'e scumparì pe sempre dint'a stu rummore

arrevuotate, arrepijate, chesta è 'a vita toja, tu nun t'arrendere
arrevuotate, arrepijate, chesta è 'a vita toja, tu nun t'arrendere

sta canzone è dedicata (dedicata sulo a te)
a 'na femmena arraggiata (arraggiata comm'a che)
ca m'ha dato tutt' cose
e pò 'a pietto m'ha levato pure 'o ggenio 'e respirà (ma je voglio campà)
però nun m'arrenno ancora (nun m'arrenno maje)
pecchè songo 'nnammurato (song' 'nnammurato 'o ssaje)
pecchè 'o saccio ca cu' n'ata
nun putesse maje fa ammore
comme 'o saccio fa 'ccu te

arrevuotate, arrepijate, chesta è 'a vita toja, tu nun t'arrendere
arrevuotate, arrepijate, chesta è 'a vita toja, tu nun t'arrendere
arrevuotate, arrepijate, chesta è 'a vita toja, tu nun t'arrendere
arrevuotate, arrepijate, chesta è 'a vita toja, tu nun t'arrendere
arrevuotate