L'ultimu Vespru
 Testo

Testo di Mario Incudine
Musica di Antonio Vasta e Mario Incudine

Cala la negghia e sona la campana,
i carusiddi tornanu d'a scola,
ammucciati intra li fadala
tenunu stritti li sonni e li pinzera.

Iu sugnu ccà, a farimi annacari,
comu linzolu stinnutu pp'asciucari, di stu ventu ca veni di luntanu...
un viu nenti, e mi fricu li manu.

Pirchì un passi di ccà 'nta stù mumentu
Ca ti itassi tuttu lu me beni,
un ti scantari ... un ti nni scappari ,
'na vasatedda e ppù ti lassu iri,

un lu senti ca sonunu i campani,
ca li stratuzzi su chini di nivi,
sanu stutatu tutti li lampiuni
l'ultimu vespru ha finutu di cantari.

Cchi po' disiari l'omu iuntu a st'ura
Ca è comu 'na varca, sula, 'nta la rina
mentri ci sbattunu l'unni a un' a una
dumanna 'a luna luci di cannila.

Ti tegnu stritta intra i me suspira,
si la Reggina di tutti li barcuna, l'acqua ca mi livau tutta l'arsura,
lu vinu ca stunau li me pinzera