A Pirrera
 Testo

Testo e Musica di Mario Incudine

U suli ancora unn'avia nasciutu,
e li Carusi* trasunu ni la pirrera*,
trasunu muti intra 'a panza di la terra
ppi ghiri a fari ccu li petri la so guerra.

E già vannia di dda 'ncapu u sovrastanti
e i pirriatura*già preiunu li Santi,
ca sta iurnata un fussi cchiù pisanti da cruci i Cristu ca già ppi iddi chianci.

E 'ntona a vuci di quarchi cristianu
ne ddu silenziu ca agghiaccia li manu,
un curpu i tussi di quarchi Carusu
rumpi u terrori di ddu munnu scurusu.

E quarchi pizzu di pani e tumazzu*,
'na bommaggia* cupuna lu iazzu*,
ca ci aviunu datu li mugghieri
ca aspettunu luntanu de pirreri.

Ma u suli ormai è ghatu ghatu*
I pirriatura hanu scuntatu lu piccatu,
ringrazianu e cantunu 'o Signuri
e si nni vanu di cursa 'ne mugghieri.



* ragazzini acquistati all'età di 6 anni dal picconiere per essere sfruttati nel lavoro dalla miniera *Miniera o cava di pietra, sabbia o gesso.
*cavatori di pietra o altri minerali; gerarchicamente stavano sopra i “Carusi” e sotto il “Sovrastante”
*formaggio (tuma);
*coperta molto pesante o imbottita di cotone;
*letto fatto di tavole;
*alto