Assaje Testo

'A matina me sceto già c''o sole 'int'ô core
E all'improvviso cu ll'uocchie apierte accumencio a sunnà
Tu ca gire p''a casa sulo cu na cammisa
Mentre scaveza zitta zitta me viene a abbraccià
Miette chella playlist addò stanno 'e canzone ca piaciono a te
Uber Eats ha purtato na graffa pe'mmé e nu cornetto pe'tté
'A vicino c''a vocca te do nu vaso ca sape 'e caffè
E accumencia 'a jurnata cchiù bella pe'mmé

Assaje, assaje Ogne juorno te guardo e me piace cchiù assaje
Ma 'o ssaje, 'o ssaje
Chesta sera a chi sta appicecata
Si ce dammo nu poco 'e 'st'ammore
Fanno pace pe sempre e accussì nun se lassano maje
Assaje, je te voglio cchiù assaje, assaje

Mo te 'nfunne 'e capille, pare ancora cchiù bella
Nun se sblocca 'o telefono, resta pure isso a guardà
Ll'uocchie 'ncopp'a 'sta faccia, nu sorriso c'abbraccia
È geluso pecché vò sapè a chi hê 'a telefonà
Mo te vieste e te spuoglie, 'int'armadio nun tiene maje niente p'ascì
'Nziem'ê gocce 'e Chanel vulesse trasì dint'â pelle pure je
Po t'astregno, ma tu nun m'abbaste e pe chesto me sento 'e murì
Tu hê 'a sta' sempe cu'mmé addò stongo pure je


Assaje, assaje
Ogne juorno te guardo e me piace cchiù assaje
Ma 'o ssaje, 'o ssaje Chesta sera a chi sta appicecata
Si ce dammo nu poco 'e 'st'ammore
Fanno pace pe sempre e accussì nun se lassano maje
Assaje, je te voglio cchiù assaje, assaje

Assaje, assaje
Ogne juorno te guardo e me piace cchiù assaje
Ma 'o ssaje, 'o ssaje
Chesta sera a chi sta appicecata
Si ce dammo nu poco 'e 'st'ammore
Fanno pace pe sempre e accussì nun se lassano maje
Assaje, je te voglio cchiù assaje, assaje

'O ssaje, 'o ssaje
Attaccasse cu mille catene chesti vocche salate d'ammore
Accussì tutt''e vase cu'tté nun fernessero maje
Assaje, je te voglio cchiù assaje, assaje