Crusta De Platen Testo

Soo na crusta de platen
ho scrivuu cul curtel
la tuaja del ragn
l'ha ga menga la forza
de scund i muntagn
quand la noia la ruua
la cusis a uncinett
la tristezza inveci
laùra e laùra
cunt el cuntagott Soo na machina strana
cun la targa luntana
quaivedon l'è turnaa
quantu temp l'è pasaa
el g'ha anca basaa
Soo na machina spurca
de chilometri stort
se riflett finalment
el tramunt de ca sua
che l'è 'l pusee fort
E se varda la Grigna
el bicer el caragna
se cumanda un prusecc
e suta sta pianta gigant
parum tucc fa de nagot
ma em faa un po de tutt
E sta riva de sass
l'è uramai un tapee
cui soe vedri e i rutam
e i soe bucc piee de melma che segnen i ann
La balena de ferr
la se ferma al puntil
porta indree questa gent
che g'ha mila culur
ma dumaa questa caa
Quand che riva la sira
cu la sua astrunav
che la voor parchegiaa
se ritroum pugiaa
cuntra el mur del cantier
cume quadri tacaa
sempruu a quel cioo
E se varda la Grigna
el bicer el caragna
se cumanda un prusecc
e suta sta pianta gigant
parum tucc fa de nagot
ma em faa un po de tutt